قال الشاعر نائل المظفر في قصیدة:
صبت عليك مصائب لو انها ***** صبت ع السما ظهر السما تكسره
كل يوم بمصيبة تبجي مية جيل ***** عشتي ثمنطعش بس ضيمك شكبره
كلما اقرأ اية الف.. لام.. وميم ***** ألم فاطم اكول المحد يفسره
مو قبرك فقط يا فاطمة المفقود ****** اكو شكد ماكو عدنه ومحد يدوره
اكو حلقات ماكو بسيرة الزهراء ****** ربك لا نعبدك ضمهن بسره
ليش بليه حظرة الخالقك خلاك؟ ****** لا توجد شمس متوسده بحفره
ولا توجد قدم تسوه بثراك اتدوس ***** ولا توجد ارض تصلح الك حضره
ومثلك مصحفك هم ضمه ربك ليش؟ ***** خاف من الجهال بمصحفك تقره
وليش الكوثر انت وهو مهرك صار؟ ***** لان بس قدرك أنت لقدرك بكبره
وبس انت الوحيدة ألربك مربيك ***** ولان تربيتك انت عصمت ألعتره
وانت المبتدأ والمبتدأ للنور ****** وانت المنتهى... والمنتهى السدرة
وانت الما نعرفك طينتك.. ياقوت؟ ****** لو تفاحة؟ لو من وجنة القدره؟
وانت من الأزل ثالث شبح مخلوق ****** قبل كوكب الزهرة... انخلقت الزهره
وعلي من يمتى حبك؟ من تكون نور ****** ومحمد جان نور وشالك بظهره
ودفع مهرك درع مو لان شحة مال ****** لان بس انت راد يضمك لصدره
غنية انت بعلي وكالو فقيرة شلون؟ ******* رصيدك فاطمة بس الله ليقدره
يطيح براحتك عرش الله لو تدعين ****** بس راحتك انت بعيشة الفقره
وراحت راحة ايدك راحت من الراح ****** وعسل عدها الخبز من يدمن العشرة
منو تشرف السما لو الها ثوب تصير؟ ***** وتذب ثوب السما... وتتلفلف بصخره
ومنو تنزل الموائد تكدر بجف أيد؟ ******* واذا صامت... تظل بحسرة التمره
شجرة طوبى عندك فاطمة بالبيت ****** الدفع بابك امس ما سطرته السدرة؟!
بعد يا بت محمد بت من تصيرين؟؟ ***** ويخاف من الله بيك ..لضلعك يكسره!!
اثر يوسة محمد فوق خدك جان ****** وعلى شفة محمد طبعت السطره!!!
تبت يد عمر كون أية بالقرآن ****** بل قرآن تبت كون اله بكبره
اجامل من يفاطم على حساب الدين؟ ****** وخاف اجرح شعوره وجرحك شكبره؟!
عمر يرضى الله؟! ويرضى عنه شلون؟ ***** اذا يرضى لرضائك فاطمة الزهره
ما اصلا عمر الا بني الحطاب ******* بس ع الحاء سال من السمن قطره
وما سارق فدك الا حطب للنار ****** اذا للجنة يدخل تنكلب جمره
وما ثالثهما يستر عليه الله ******* ويظل بلا قميص ومحد يستره
واذا للجنة دخلوا... اريد النار ******** لان جنة التلمهم جنة الكشرة.
وما أروع ما يقوله الشاعر :
مشكــا ة نــور اللـــه جـل جـلالـه * * زيــتونـة عــم الـورى بــركـاتهـا
هي قطـب دائــرة الوجــود ونقطة * * لمــا تـنزلــت اكـثرت كـثـراتــهـا
هي أحمد الثاني واحمد عـــصرها * * هي عنصر التوحيد في عرصاتها
وقيل فيها ايضا
شعت فلا الشمس تحكيها لا القمر زهراء من نورها الاكوان تزدهر
بنت الخلود لها الاجيال خاشعة ام الزمان اليها تنتمي العصر
روح الحياة فلولا لطف عنصرها لم تاتلف بيننا الاروح والصور
سمت عن الافق لا روح ولا ملك وفاقت الارض لاجن ولابشر